Vienan Karjala

Kirjutukset vienankarjalakse

Anuksen helevy iäni

Zoja Dmitrijevna Autio Oravaine-joukon endizien pajattajienke vastavuksen aigua. Čoma paikkaine piäl on “Oravazen” pajattajien lahju.

Jo on mennyh vuozi sit aijas, konzu toizele ilmale siirdyi Zoja Autio. Äijän vuottu Anuksen horas pajattajat kuultih Zoja Dmitrijevnan heleviä, puhtastu iändy. Mittumat čomat da lembiet pajot opasti meile Zoja Autio. Täh päivässäh hembieh da vesseläh kuultah net pajot, kuduat Anuksen horas kirjutti karjalan raadivo – “Utkaine”, “Ruispeldo”, “Ruskei neičyt”, “Kauniš Karjal”, “Sever’anočka-pevunja” da toizet. Ruadovuozis 1970-1994 Zoja Dmitrijevna omal rakkahuol da ruavol luadi Anuksen horas kaikkien tundietun, suvaittavan da kuunneltavakse vuotettavan. Anuksen pajattajii rakkahal otettih vastah Anuksen čupun kylis, Karjalan pohjaispuolel, Ven’al da ulgomualgi. Anuksen horan kuultuu sih nähte kirjutettih Germuanien Noibrandenburgan, Ruočin Lykselen da monet Suomen lehtet. Toinah äijy meil oli mieldykiinnittäjiä pajomatkua! Niilöis toiči oli kummua da vesseliä, kudamii nygöigi mustelemmo hyväs mieles da nagrajen.

Anuksen hora rodih äijien kilvoin voittajakse, on suannuh Karjalan Leninan nuorižoliiton palkindon. Erähät Karjalan lehtimiehet sanotah sidä aigua, konzu horan piälikönny oli Karjalan da Ven’an kul’tuurualan kunnivoittu ruadai Zoja Autio, Anuksen horan “kuldazekse aijakse”. Zoja Dmitrijevna äijän vägie da aigua pani sih, ku Anuksen hora rodih kuulužakse...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat