Vienan Karjala

Kirjutukset vienankarjalakse

Terveh, lapsusaigu!

Muzein vahnimat bovat – farfourutytit // Kuva: Ol’ga Dubitskaja, “Oma Mua”

Bobien muzei on sijoitannuhes Tartun linnan vahnah ozah puuhizeh histouriellizeh taloih.

Tartun Bobien muzeis on enämbi 24600 eriluadustu bobua, on alalline da väliaigaine ozuttelut. Muzein kollektsies on perindöllizii estounielazii bobii, suveniirutyttilöi, suomelas-ugrilazien kanzoin rahvahallizi bobii, tyttitaloloi da äijy muudu kaikenmostu bobua.

Enzimäine muzein ozutteluzualu mustoittau vahnan koin suuripertii, kuduas on divan, kaksi kreslua, komodu, kamin-päčči, lat’elampu, suuri hebo-boba, lattiele on piirustettu matto. Servantois da divanal ollah vahnat farfourutytit čomis pluat’ois. Ozutahes, ku pertih terväh tulou bobien ižändy da rubieu kižuamah.

Toizes muzein zualas voibi nähtä muanruadajien lapsien puuhizii da tekstiil’ubobazii. Tytit ollah muanruadajien ferezilöis, on äijy puus luajittuloi kodi- da meččyžiivattoi.

Muzeis on zualu, kudamas on pikoi-pienii bobazii. Sie on kaikkie – mašinoi, tyttilöi, sobii, astieloi, zvierilöi, suarnallizii personuažoi, bobazii Kinder surprise -jäičäspäi.

Muzein toizeh kerrokseh on kerätty bobazii, kudualoi suau nähtä Estounien eriluaduzis fil’mois da mul’tfil’mois. Erähäs zualas on televiizoru da suuri divuanu, kuduale suau istavuo da kaččuo estounielastu mul’tfil’mua.

On ozutteluzualu, kus voibi kaččuo tyttitaloloi. Yhten niilöis omin käzin luadi Estounien ofitsieru Leonhard Lina omah tyttäreh niškoi. Sie on kaikkie – pertilomut, astiet, kniigat, ruadobrujat da kai on šahmattustola. On sie kaksikerroksistugi taloidu sähkönke...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat