Vienan Karjala

Kirjutukset vienankarjalakse

Anna lennetäh runot-linduzet

Tänävuon Siämärven runohuon festivuali piettih Veškelys-etnokeskuksen laval. // Kuva: Dina Kanaševič.

Elokuun 27. päivänny Veškelyksen etnokeskukseh kerdyi täyzi zualu rahvastu. Tänne ei tulluh virguniekkua, TV:n da lehtilöin toimittajua, ga tänne kerdyi omua rahvastu. Joga minuuttua rahvastu liženi, muga mielužu oli zualas, dai kui huomattih Tatarstuanaspäi tulluot gost’at, etnokeskukses olii nygyaigaine muuzikkutehniekky ruadau täytty vägie. 

Festivualin avai Veškelyksen kylän emändy Irina Pogrebovskaja. Karjalaine kirjuttai Aleksandr Kost’unin lahjoitti kaikile festivualih yhtynyzile čoman pajon Karjalah nähte, kudaman pajatti Veškelyksen folk-ansambli “Revinnyh kottu”.

Veškelykses ylen äijäl suvaijah da kunnivoijan lähäl olijan kylän runoniekkua Aleksandr Volkovua. Hänen runoloi ainos kuuluu festivualis, ku niilöis on kodoimuan, luonnon, karjalazien suvaičus, luja himo säilyttiä omien ezi-ižien kieli. 

Musteltihgi hyväl sanal vie yhty oman muamankielen kaiččijua – vuvvennu 2016 toizele ilmale siirdynytty jessoil’čua Zoja Saveljevua. Pruazniekan vedäjät karjalazet aktivistat Nina Nikitina da L’ubov’ Prisoškova lugiettih Zoja Saveljevan, Aleksandr Volkovan, kotkatjärveläzen Zinaida Dubininan runoloi, jessoil’čan L’udmila Jermolajevan kiännettylöi runoloigi. Sanakse, olemmo ylbiet sil, ku Veškelyksen kirjaston ruadai L’ubov’ Prisoškova sai Kul’tuurualan kunnivoittu ruadai -arvonimen... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat