Vienan Karjala

Kirjutukset vienankarjalakse

Syväindy lämmittäi päčči

Anna Vasiljevna Mironova Vieljärven kyläs ainos pastaldau piiruadu omas karjalazes päčis. // Kuva: Jekaterina Barmina

Rodih mieleh mustella da sellitellä sih aihieh koskijoi mielii. Rubei kerävymäh kerdomus. Konzu lopin, luvin tarkambah kilbah niškoi da rubein ebäilemäh, pädöygo raukku tämä kirjutus kilbah. Piätin jälgimäi nenga: ruado azuttu, yksisama himo on ku ellendäjät ristittyöt tiijustettas, ei päinne kilbah, toinah pädöy lugiettavakse. A mindähbo päčči ei voi olla parahannu kohtannu?!

Päčči – hävinnyzien hieruloin mustopačas

Päiväine pastattau täytty vägie, linduloin čiyčetändy kuului läbi uuzisgi plastiekkuikkunois – ei anneta muata hätkembiä, hos ei ole kunne nygöi kiirehtiä: eigo niityle pie mennä, eigo muarjah enne häkkilöi ehtie astuo, eigo leibii da piirualoi meččäh libunuzile ristikanzoile pastua kehtata. Kai syömizet voibi suaha laukois, kävvä himozikse meččäh voit konzu vai tahtonet – ehtälgi, jälles ruaduo. Loppih hierun igäine eländytaba.

Harpuan čomas krinčazes omah ilokohtah – pikkarazeh piha-aidazeh, kunne istutin kuda-midä tavallistu kazvostu da enimytteh kukkua. Viluttau on vie avata teplitsua, en tiijä, lämbenöygo myöhembi, moine on tänävuon vilu kezä. Mandžoirukat keviäl oldih moizet huonozet, ga ei suannuh uskuo niilöin elavundua. Onnuako, kazvettih nägyy, läpetetäh kasties karjil gu leikattuloil lehtil da valgieloil kukil... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat