Vienan Karjala

Kirjutukset vienankarjalakse

Sada tuhattu kuvua Karjalan elaijas

Kuva on otettu Karjalan tazavallan kanzallizes arhiivaspäi. // Kuva: P'otr Bezzubenko.

P’otr Bezzubenko rodivui 1. syvyskuudu vuvvennu 1917 Br’anskan alovehen Klintsi-linnah. Fotokuvuajannu häi rubei ruadamah vuvvennu 1939 paikallizes Trud-lehtes omas roindulinnas.

Sen jälles Bezzubenko ruadoi Pograničnik Karelii -lehtes. Vuvvennu 1947, armies tulduu, P’otr Bezzubenko jäi elämäh Petroskoih. Fotokuvuaju ruadoi eriluaduzis Karjalan tazavallan lehtis – “Molodoi bol’ševik”, “Leninskoje znam’a”.

Kanzallizes arhiivas musteltih P’otr Bezzubenkuo, hänen elaigua da ruaduo. Pidoh kerdyi fotokuvuajan tuttavua, ruadodovariššua, omahistu da kaikkii, ken tahtoi tiijustua Bezzubenkon ruavos.

– Karjalan tazavallan histouries on viizi tundiettuu fotokuvuajua – Jakov Roskin, P’otr Bezzubenko, Sem’on Maisterman, Viktor Trošev da Valerii Jufa. Kuvvendekse jo rodih tänäpäi kuulužu Vladimir Larionov, sanoi arvostettu lehtimies Jurii Šleikin.

– Minä 17 vuottu ruavoin korrespondentannu da tiijän äijän lehtimiesty, sanou Oleg Čist’akov. – Kanzallizen arhiivan piälikönny olles, minä juoksin lehtimiehile da fotokuvuajile jälgeh da suostuttelin heidy andamah omii fotokuvii arhiivah ruokkoh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat