Vienan Karjala

Kirjutukset vienankarjalakse

Lomamatku viikingoin muale

Yksi čomembis Norviegien kohtis on 15 kilometrin pitky Geiranger-fjordu, kudai kuuluu JUNESKO:n luvetteloh. Oman nimen fjordu sai Geiranger-kyläs. // Kuva: Valentina Mironova

Tämänvuodehizen loman kohtannu minul tuas oli pohjaine mua. Täl kerdua Norviegii. Puaksuh olen kuulluh da lugenuh Norviegien čomevuos, hiimoitti kaččuo, ongo se tozi. Matku Norviegieh meni kahten muan kauti, puutui vie kerran nähtä Suomie da Ruoččie. Suomen Turku-linnaspäi parahodal ajoimmo Ruočin Stokgol’mah, a siepäi avtobusal kohti Norviegieh. Rajua Ruočin da Norviegien välil emmo huomannuh, niken ei kaččonuh nigo pasportoi, nigo mašinoi. Näimmö vai suuril kirjaimil kirjutetun merkin: Norviegii. Ikkunois rubeimmo möllöttämäh luonduo da pienii linnoi, meijän mieles kai oli ihan toizenmoine: mägyriččymua da ylen lähäl seizojat valgiet taloit. Enzimäine kohtu, kunne myö azetuimmo, oli Norviegien piälinnu Oslo. Sinnesäh ajoimmo läs kahtu čuassuu. Pahakse mielekse Norviegii otti meidy vastah vihmusiäl, kerras rubei vetty čipettämäh vaigu piäzimmö avtobusas Osluo kaččomah. Nygypäiväzes Norviegien piälinnas yksi parahimis kohtis on ei ammui nostettu oopperuteatru. Se ylen äijäl erovuu Jevroupan muis oopperurakenduksis, ku on strojittu st’oklas da plastiekas. Vie yksi ero on se, ku jogahine linnan eläi da turistu voi nosta oopperuteatran levole da kaččuo ymbäristyö. Myögi piäzimmö levole ihailemah Oslon čomuttu. Tämän jälles kačoimmo piälinnua enimyölleh avtobusaspäi. Yhten kerran vie azetuimmo tundietun Vigeland-puiston viereh, meil oli aigua kävellä siegi. Nimen puisto sai tundietun vestäjän Gustavan Vigelandan kunnivokse, kudai lahjoitti omale linnalle 227 erilastu vestostu. Tänäpäi tämä on muailman kuulužu paikku, ku täh kohtah on kerätty vai yhten vestäjän ruaduo. Kaikkie ei puuttunuh nähtä, ku käveltäviä olis 30 gektuarua. Paiči vestoksii täs oli ylen äijy čomua kukkua da puudu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat