Vienan Karjala

Kirjutukset vienankarjalakse

Valličukset pietty – tulokset tietäs

Popovan Il’l’an elaijas nämmä valličukset ollah enzimäzet. Keviäl brihal täytti kaheksatostu vuottu. // Kuva: Natalja Antonova, “Oma Mua”.

Vieljärven kylän rahvas vallittih mennyt pyhänpiän kuigi kaheksankymmenenkahten Ven’an alovehen rahvas.  Vieljärven valličendupunktu oli luguu myöte n:o 413 – kaikkiedah Karjalan tazavallas on 468 valličendukohtua. Täsgi voitti kandiduattu Artur Parfenčikov, kudamas iänesti 263 ristikanzua libo 68 % iänestäjiä. Toizel sijal on Irina Petel’ajeva, kolmandel – Jevgenii Uljanov da nelländel – Jevgenii Besednii.

Jo eznisilmävykses nägyi, ku rahvas avattih valličendoin tuloksen edukädeh. Kyzyttyy “Kunne matkuat?” äijät ken rahvahis vastattih: “Ga Parfenčikovas iänestämäh”. Vahnat rahvas uskotah, ku hänen vallittuu jatketah penzielöin aigoinaijal maksuandua da ei oteta iäre. Nuorembat da keski-igäizet äijät ken pahoiteltih sidä, ku bul’l’etenis ei ole punktua “kaikkii vastah”.

Valličendat Vieljärven kyläs piettih školas. Valličendoin puuhtal ruadajat istuttih päivän kaiken šuorivuksis – muga oli vilu. Muite käyjät oldih sinä piän hyväs mieles. Kakun abai tänä vuon äijil kel on hyvä!...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat