Vienan Karjala

Kirjutukset vienankarjalakse

Helpo ruado

Seinäkomiksoin luajindaopas

Enzimäzen kerran se ozutettih komiksoin ruadopajan aigua Vieljärves tämän vuvven syvyskuus. Opas on kiännetty karjalan “segakielekse”, ku sen voidas ellendiä hos mittumal murdehel pagizijat karjalazet. Eksperimentukiännöksen luajittih vienalaine Ol’ga Karlova da liygiläine Ilja Mošnikov. Lugie tädä “yhtehisty” kieldy on helpo, kai nevvot da siännöt ollah prostoit da ellendettävät. Komiksoin opastuskniigan tekstat da kuvat valmistettih Leif Packalѐn da Sanna Hukkanen.

Seinykomiksoin luajinduoppahan avul voibi opastuo luadimah komiksoi karjalan kielel. Kniigas sellitetäh, midä pidäy luadie enne komiksoin piirustamistu, mittuzii muodoloi ollah paginpuzurit*, kui voibi ozuttua kuvas liikeh- da iäni-effektat da muudu. Kniigan jälgimäzel sivul on pieni sanakniigu, kuduah voibi ičel ližätä sanoi. Ku luadie komiksat, sinule ei pie maltua piirustua, kaikis tärgevin komiksois on hyvä starin. Starin voi olla kui vessel da šuutkakas, mugai atkal. Täs on kolme piäsiändyö komiksoin luadimizes:

– Staraiče kirjuttua lyhyt tekstu

– Älä kirjuta sit, mi muitegi nägyy kuvas

– Jätä enämbi tilua tärgielöile dieloloile da siirrä net ezitilah

Seinäkomiksoin luajinduopas suau lugie pdf-muvvos internetas adresil www.worldcomics.fi

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat