Vienan Karjala

Kirjutukset vienankarjalakse

Luondo, sinun vuoh elän

Boris Pomortsev

Boris Pomortsev on rodivunnuh vuvvennu 1932 Sahalinan suarel Oha-linnas. Sinä vuongi hänen pereh muutti Irkutskah, kus häi vietti omua lapsus- da nuorusaigua. Jo lapsennu häi suvaičči piirustua, kävyi taidokerhoh Pionieroin dvorčah. Konzu Boris täytti yheksä vuottu, algoi Suuri ižänmualline voinu. Jygiet voinuaijat ijäkse jiädih miehen mustoh. Boris hyvin mustau pitkii jonoloi laukois, konzu vie ei olluh syömizien kartočkoi. Jonolois rahvas seizottih päiväl da yöl. Kerran talviyöl Pomortsevien kodih tuldih vojennoit da tuodih kerale kaksi suurdu huavuo. Niilöis oldih saldatoin šuapkat, kudualoi kerättih kerras bojuloin jälles. Taidoilijan muamale pidi pestä da paikata kai šuapkat. Mustelmii voinas tunduu Boris Pomortsevan kuvisgi...

... Boris alalleh yhtyi ozutteluloih Karjalas da Ven’al. Miehen neruo korgieh arvostettih da terväh händy otettih Nevvostoliiton taidoilijoin nevvostoh.

Boris Pomortsevan kuvis enzikse nägyy suvaičus Karjalah, sen rahvahah da luondoh. Kummattau, kui tarkah tundou Karjalua Siberis kazvanuh mies. Taidoilijan armahii paikkoi ollah Kižin suari da Onieganjärven tagazet kylät...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat