Vienan Karjala

Kirjutukset vienankarjalakse

Jovensuu vastai kiändäjii

Tämän vuvven enzimäine kiännösseminuaru piettih 13.-14. ligakuudu. Iel on vie kaksi – pakkaskuus da sulakuus. // Kuva: Ol'ga Smotrova

Kiännä-projektu jatkuu. Täl kerdua karjalan kielen kiännösseminuarale Jovensuun Päivännouzu-yliopistoh kerdyi Karjalan TV:n da raadivon, Oma Mua- da Kodima-lehtien toimittajua, Petroskoin valdivonyliopiston opastujua, kirjuttajua da kieliaktivistua mollembil puolil rajua. Oligi Ruočis da Ameriakaspäi tulluzii.

 

Täl kerdua opastusseminuaral kačottih “aziitekstoin” kiändämizen vaigieloi kohtii. Aziitekstu on, sanakse, seminuaral keksitty sana – se merkiččöy uudistu libo mittumuatahto kirjutustu, tekstua, kudai ei kuulu kaunehliteratuurah. Seminuaran opastai, endine Petroskoin valdivonyliopiston opastai, nygöine Suomen Yle-raadivon kiändäi da lugii Natalja Gilojeva saneli kiändämizen vaigevuksis, kudamii tuloiu ruadajes. Raadivon toimittajal pidäy maltua terväh kiändiä suomen kielespäi karjalakse, sendäh ruavon aigah ainos tulou keksie uuzii sanoi. Ezimerkikse, suomenkieline “susiasiamies”  tarkoittau miesty, kudai voibi kuččuo abuh, sanommo, konzu omas kodipihas ristikanzu nähnöy hukan. Muga karjalan kieleh tuli uuzi sana – “hukkuagentu”. Teittäväine, oli muudugi “susiasiamiehen” karjalankielisty variantua.

Uuzien sanoin keksimizes saneligi Karjalan TV:n toimittai Ol’ga Ogneva. Toimittajan mieles, TV:n lähetykses pidäs olla moizii sanoi, kudamii kuundelijat ellendettäs enzikerras. Ruadotaibalehen aigua Ol’ga Ogneval suitui TV:n programmoi karjalan kielen da sen kehittäjih nähte. Niilöi häi ozuttigi kursilazile. Vereksel piässyös programmas on pagin karjalankielizien sanakniigoin luadijan Tatjana Boikonke. Kielentutkii saneli, kui “rodivutah” uvvet sanat karjalan kieleh, mittuine pidäy olla nygyaigaine sanakniigu da toizis kielihommis.

Mieldykiinnittäi oli kaččuo  vahnua, 1990-luvul luajittuu programmuaGrigorii Makarovas. Hänen kerätty sanakniigu on tänäpäigi pyzyy hinnois.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat