Vienan Karjala

Kirjutukset vienankarjalakse

Karjalan da suomen kieldy Segežas

Karjalan da suomen kielen kursiloi Segežas pidäy Galina Mihailova. // Kuva: Vladimir Ivanov

Terveh, karjalazet! Minä jatkan kirjuttua karjalan da suomen kielien opastamizeh nähte Segežas. Syvyskuun 13. päivänny piimmö enzimäzen suomen kielen urokan lapsile Ližäopastuksen keskukses. Urokkoi pietäh kaksi kerdua nedälis – kolmanpiän da piätteniččän 18.00 aigua. Urokku jatkuu kaksi čuassuu. Opastajannu on Galina Petrovna Mihailova. Opastuksen eričyksenny on se, ku lapset kävväh opastumah kieldy yhtes omien vahnembienke. Kaikkiedah opastuu kuuzi perehty – kaksitostu hengie. Urokkoih tullah died’oit bunukoinke, muamat tyttärien da poijienke. Pahakse mieldy, ei löydynyh opastuskniigoi. Petroskoin Suomelas-ugrilazes školas nevvottih eččie opastusmaterjualoi Opastuksen kehityksen instituutan saital. Ga minun mieles, internet ei päi opastuskniigoin sijah. Rubiemmo ielleh eččimäh opastuskniigoi Segežas da Petroskois.

Midä sit ielleh kačommo ruadua opastuksen kehittämizekse Segežan linnas? Karjalan Rahvahan Liiton Segežan alaozaston kerähmös, kudai piettih 18.kevätkuudu 2017, Ivan F’odorovič Red’kin sanoi, ku pidäy opastua karjalan kieldy školis. Kerähmös, kudai piettih 1. syvyskuudu, Viktor Lazarev sanoi, ku olis hyvä opastua školaniekoile suomen kieldygi. Juuri nämmih kehoituksih niškoi rubiemmogi ruadamah ielleh.

Karjalan kielen kursiloi rubeimmo pidämäh ligakuun 10. päiväs algajen.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat