Vienan Karjala

Kirjutukset vienankarjalakse

Muamankieldy urokoin jälles

Seminuaru piettih Karjalan opastusministerstvan, Opastuksen kehityksen instituutan, Karjalan Sivistysseuran da Kotkatjärven školan kannatuksel. // Kuva: Ol’ga Smotrova, “Oma Mua”

Seminuaras piettih paginua Kotkatjärven školan johtai Marina Čupukova da karjalan kielen opastai Ol’ga Nikitina, Opastuksen kehityksen instituutan prorektoru Jelena Bogdanova, Tuuksen školan johtai Irina Pavlova, Suomelas-ugrilazen školan karjalan kielen opastai Tatjana Ignat’kova, Anuksen Lindu-etnokeskuksen ruadajat Julija Žuravl’ova da Marija Kudel’nikova.

Enne kaikkie pidäy mainita, ku tänävuon karjalan kieldy opastuu 2268 opastujua, niilöis 218 vienankarjalua da 2050 liygii. Vai 645 hiengie opastuu kieldy urokannu, se on 28 %. Dostalit – 71 % – opastutah karjalan kieldy ližäainehennu. Poikkevuksennu täs on Veškelyksen škola (1%), kus kieldy opastetah kui urokannu, mugai ližäurokannu. Mennyöh opastusvuodeh verraten näemmö, ku tilandeh paheni. Mennyt vuon 45 % opastujua opastui kieldy urokannu. Opastajien hädiä tänävuon ei opasteta karjalan kieldy Kondupohjas da Meliorativnois. Lyydin murrehtu tänäpäi ei opasteta, ga huavatah ruveta opastamah Kuujärven školas. Opastuksen ministerstvan spetsialistu Natalja Vasiljeva mainičči, ku kaikis paras opastusformu on moine, konzu kieldy opastetah urokannu dai urokoin jälles. Nedälis pidäs olla ei vähembi kahtu urokkua...  

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat