Vienan Karjala

Kirjutukset vienankarjalakse

Tverin mua otti vastah karjalazii Karjalaspäi

Karjalaspäi tulluot aktivistat saneltih tazavallan yhteiskunnallizis liittolois da niilöin ruavos karjalazien hyväkse. // Kuva: Elina Potapova, “Oma Mua”

Tämä vuozi on merkittävy kaikile karjalazile. Nellisadua vuottu tagaperin suuri oza karjalastu lähti elämäh Tverin mualoile. Ga heimovellet ei unohtettu toine tostu, nygöi yhtevykset Karjalan da Tverin karjalazien välil vaigu lujetah. Muga vuvven 2017 keviäl Lihoslavl’as piettih suuri konferensii, kuduan aigua paistih tverinkarjalazien histouries da nygyaijas. Mennyt piättenniččän da suovattan Lihoslavl’as piettih Karjalan tazavallan kanzallizen kul’tuuran päivät. Ozuttamah neroloi Tverin mualoile tuli äijy tansi- da pajojoukkuo, neroniekkua da teatruartistua. Tverinkarjalazih niškoi oli valmistettu suuri programmu. Master-kluasoin aigua gost’at kerrottih karjalazien perindöllizis sovis, opastettih kižuamah karjalazih kižoih da tansiloih, ozutettih kui maltetah pastua šipainiekkua da kuduo. Lapsii opastettih luadimah rahvahallizii bobii da piirustamah komiksoi karjalan kielel. Kahten päivän aigua toimi kniigoin ozuttelu, kuduas sai kaččuo da ostua Periodika-julguamon tuottehii karjalan kielel. Kiinnostus kniigoih omal kielel oli muga suuri, ku ei jiännyh niyhty kniigua... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat