Vienan Karjala

Kirjutukset vienankarjalakse

Ongo Pyhärvi pyhä järvi?

Pyhärven kylä // Kuva: Mihail Vladimirov.

Pyhärvi da Pedri Suuri

Rahvas sanotah, buito nimen kyläle on andanuh suari Pedri Suuri. Nenga erähiči minule saneli Pyhärven eläi Vera Timofejevna Kolesova:

– Oli Voroništon kylä. Tiettäväine, minuu silloi vie ei olluh, minule buabo saneli. Voroništo oli pieni kylä, kaikkiedah yksi taloi oli. Pedri Enzimäine ajoi siiriči, baubo silloi sežo tyttöine vie oli. Ku tulethäi Pyhärveh, meil on Samsoinmägi. Silloi se oli ylen jyrky. Pedri Enzimäine ku nouzihäi mäile, nägi Pyhärven buitegu harmuas uvus. Kylän agjas seizoi vahnu kirikkö. Sit uuzi nostettih. Häi ajoi kirikkössäh, kaččelihes ymbäri. Rannas seizoi suuri Jeremejevan kodi. Jeremejev ruadoi kirikös. Pedri Enzimäine lähti heijän kodih. Dai ylen äijäl suari mieldyi suareh, kus kazvoi kuuzikko. Suari hyvin nägyi Jeremejevan pihas dai kirikön pihaspäi. Sanou: “Vejä minuu suarel”. Jeremejev vedi händy suarele. Pedri sanoigi: “Täl suarel pidäy nostua časounu”. Da käski omile käskyläzile andua kaznaspäi dengua. Ku nostettih časounu, häi nimittigi meijän kylän Pyhärvekse. Sanoi: “Tämä roih Pyhärven kylä”. Joi vetty meijän järvespäi, silloi se oli ylen puhtas, pezi silmät da sanoi: “Tälle kyläle minä annan nimen Pyhärvi”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat