Vienan Karjala

Kirjutukset vienankarjalakse

Sygyzy bes’odas

Yhtes lapsienke kilboih yhtyttih heijän muamat da tuatat, buabat da died’oit. Voibi sanuo, ku Alavozen kolme karjalastu polvie otettih ozua illaččus // Kuva: Valentina Libertsova.

Illačun aihiennu oli sygyzy – tavalline aigu, konzu meijän buabat da died’oit loppiettih peldoruavot da zavodittih kerävymäh bes’odoih, jatkamah käziruadoloi, kižuamah da valliččemah mielespiettävii.

Varustamah illaččuu ottihes nuori naine Irina Palatina. Hänen kuhkutuksii kerras hypättih kannattamah Ol’ga Limarenko, Vera Larionova da toizet “Alavoizen taiginan” ratistat.  

Irina varusti ylen uskottavat algusanat, mindäh pidäy meijän kyläs maltua paista karjalakse, tiediä omat perindöt, kunnivoija omii meččii, Anus-jogie da Luadogu-järvie, mustua ennenvahnallizii taboi. Net sydämellizet sanat hyö sanottih vuoroi Iivan Lazarevanke, kudai hyvin pagizou muamankielel, hyvin tiedäy Alavozen ymbätistö luonnon, suvaiččou omua kyliä.

Illačule tuli äijy lastu, hyö tansittih Samvuaru-, Pienet keittäjät- da toizii tansiloi. Irina Jurjevna varusti lapsile kižat muarjoin da griboin keriändäh da kartouhkan keitändäh nähte.

Lapsile ylen mieldykiinnittäjäkse ozuttihes Kabjazet-kiža, kuduadu suvaittih ennenvahnas kai karjalazet, nygöi, onnuako, sih kižatah Belomorskan piiris...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat