Vienan Karjala

Kirjutukset vienankarjalakse

Suarnua da vuarnua kuului Vieljärvel

Jyškyjärven lapsien Kukko ta kana -spektakli on Rahvahan suarnu -nominatsien voittai. // Kuva: Ol’ga Smotrova, “Oma Mua”

Karjalaine suarnu -pivos on luajittu kogonaine lapsien da opastujien kilbu. Sidä pietäh kerran kahtes vuvves da tämä kerdu oli kolmas. Enzimäine suarnufesti sežo piettih Vieljärvel vuvvel 2013. Tänävuodehizen hommai Karjalan Kielen Kodi -organizatsii Karjalan tazavallan Kanzallizen da alovehellizen poliitiekan ministerstvan denguavul. Artistulapsien raviet juhlat piettih Vieljärven školas.

Kuigi mennyzil kerroil lapset da nuorižot kilbailtih eri nominatsielois. Sai ozuttua oigiedu perindöllisty karjalastu suarnua, sai muutella sidä omah maguh, sai keksie midätah ihan omua da uuttu, kummallistu, šuutkahistu,  sai olla Vieljärvehgi käymättäh da työndiä oma ruado videonnu. Yksi ehto oli kova – kai suarnat pidi olla karjalankielizet da ei enämbiä kymmendy minuuttua kestäjät. Videonominatsii oli tämän festivualin uudine. Internetan kauti arvostettavakse työttih kaheksa ruaduo. Arvostelijoinnu oldih Karjalan Kielen Koin aktivistat da oman kyläteatran artistat, vienalazien puoles TV:n ruadai Uljana Tikkanen da piälimäzenny täs varaministru Jelena Migunova. Arvostelijat mainittih sen, ku videolois mieleh painuttih lapsienpäivykodiloin suarnat. Muga, voittajakse rodih Kostamuksen Zolotoi kl’učik -lapsienpäivykodi starinanke “Kolme härkiä”. Kazvattai Tamara Muntijeva käyksendeli Vieljärvele palkinduo suamah da jäi aiga hyväh mieleh. Voiton tunnustamizekse video ozutettih festivualin salbajazis...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat