Vienan Karjala

Kirjutukset vienankarjalakse

Viizi hyviä uudistu

Jelena Ruppijevan “Šanalippahan” livvinkieline alguversii nägi päivänvalgien vuvvennu 2014. Nygöi piäzi ilmah sen kiännös vienankarjalakse. Vienakse kniigan kiändi Kielen, literatuuran da histourien instituutan kielentutkii Natalija Pellinen. “Šanalippahas” rodieu hyvä abuniekku lapsile da aiguzile karjalan kieldy opastujes. Kniigu voibi ostua Periodika-julguamos.

On piässyh ilmah Liygii livvikse -opastuskniigan jatkokursu. Enzimäine kniigu, algukursu, piäzi ilmah vuozi tagaperin. Sen luadijannu on Jelena Ruppijeva. Kniigah on kerätty grammatiekkuharjaitustu da teoreettisty tieduo teemoin mugah. Kniigu on piässyh ilmah Kanzallizen poliitiekan ministerstvan kannatuksel, sidä juatah ilmai.

On valmisgi kodvan vuotettu Karjalazii arbaituksii -kniigan kolmas painos. Kielen, literatuuran da histourien instituutan folklouran tutkijan Nina Lavozen enzimäine painos nägi päivänvalgien vuvvennu 1982. Toine piäzi ilmah vaste vuvvennu 2016 Kanzallizen poliitiekan ministerstvan kannatuksel. Hos uuttu kniigua tuli ministerstvah 1000 kappalehtu, ga kaikile yksikai ei täydynyh. Kolmanden painoksen “Periodika” valmisti omih varoih. Sen painoslugumiäry on tuaste 1000 palua. Tozi harvinaine da mieldykiinnittäi kniigu karjalan kielen eri murdehil on ostettavu julguamos...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat