Vienan Karjala

Kirjutukset vienankarjalakse

Dovarišan terväh kavotat, ga uuttu hätken ečit

Uvves ozutelmas on vai kolme roulii: Aiko-haikaraine, Pöllätys da Kaži. // Kuva: Elina Potapova, “Oma Mua”

Ne uletai, Ako! -spektaklin enzi-ildu piettih 2. talvikuudu Kanzallizien kul’tuuroin keskukses. Ozutelmal, kudai omistettih Kanzallizien kul’tuuroin keskuksen vuozipäiväle, avattih “Čičiliuškun” kahtestostu teatrukauzi. Tavan mugah spektaklin ohjuajannu on Natalja Golubovskaja da taidoilii-ohjuajannu on Boris Kudr’avtsev. Uuzi spektali on luajittu slovakialazen kirjuttajan Jaroslav Vodražekan kerdomuksien mugah. Spektaklis on kerrottu ogrodan pöllätyksen da Aiko-haikarizen välizes ystävälližyös. Erähän kylän ogrodas seizoi tavalline ribulois azettu pöllätys. Ga se oli moine pehmeisydämelline, ku niken sidä pöllätysty ei varannuh. Kerras ogrodah puutui pieni haikaraine čomal nimel Aiko, kudai vie ei maltanuh lendiä. Pehmeisydämelline pöllätys da linnunpoigaine kerras roittih dovarišoikse... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat