Vienan Karjala

Kirjutukset vienankarjalakse

Miihkali Arhippazen mustopačastu kukitetah Jovensuul

Perttuzen Miihkalin mustopačas Jovensuun keskučas Ilosuarel.

 

Vienankarjalazen runonpajattajan Perttuzen Miihkalin suusanallistu perindyö pietäh arvos rajan tagan Suomen puolel. Lämmät da merkityksellizet sanat kuuluttih hänen nimeh Jovensuun keskučas Ilosuarel kylmykuun keskipuolel. Pido oli pietty Suomen 100-vuodehizien hantuzis.
Kalevalazet Naizet -organizatsien aktivistat suadih linnanhallindon luvan siirdiä Karjalan Taloin piäveriän bokkah azetetun Miihkalin mustopaččahan nägyvembäh da lagiembazeh kohtah. Miihkalin pačas tilattih Karjalaisen Kulttuurin Edistämissäätiön aloittehel Jovensuun linnan 125-vuozipäivän hantuzis vuvvennu 1973. Paččahan on duumainnuh kuvanvestäi Alpo Sailo.

 

Piäl nellänkymmenen vuvven pačas oli endizes tilas. Sidä kukitetah joga keziä vuvves 2011 algajen suomelazen kirjuttajan Eino Leinon päivänny (6. kezäkuudu). Nygöi Miihkali on ezin linnan keskuččah da sellin Ilosuareh. Sadua seičendykymmendy vuottu täyttäjän Jovensuun linnan rahvas kukitettih mustopaččahan da kuunneltih Miihkali Arhippazen merkitykses suomelazes kul’tuuras. Paginan pidi Jovensuun Kalevalazien Naizien organizatsien aktivistu, Uvven Valamoin rahvahanopiston perustai rehtoru Sirkka Vepsä. Juuri häi juohatti muuttua pačas nägyvembäh kohtah...

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat