Vienan Karjala

Kirjutukset vienankarjalakse

Kiirehtäkkiä suamah karjalazii uudizii!

Karjalan heimo -poštukartočkoin kogomus

Toinah äijil omis kodikirjastolois oli mostu poštukartočkoin kogomustu, sanommo, Petroskoi-kogomus. Sinne kuului setämä poštukartočku Petroskoin eri kohtien kuvienke. “Oman Muan” toimittajat piätettih kiännyttiä mennytty aigua da luajittih oman kogomuksen, vaiku sen kartočkat ei olla poštan kauti työnnettävät, a ollah tiijonandajat, hyvin lahjakse pädijät. “Oman Muan” kehoituksen kannatti Karjalan Sivistysseuru.

Kogomuksen nimi on “Karjalan heimo”, sih kuuluu viizitostu kartočkua, kudamis on tieduo karjalazien kul’tuurah nähte. Net ollah kahtel murdehel: livvikse da vienakse. Jogahizes kartočkas on oma aihe: kyly, muinoiskarjalaini puku, Haikol’a, karjalazien taloi da toizet.

Kogomuksein painosmiäry on 300 palua. Vuitin niilöis annammo Karjalan Rahvahan Liiton alaozastoloih. Muite kogomuksii voibi ostua “Oman Muan” toimitukses. Kogomuksen hindu on 250 rubl’ua. Kai suavut den’gat mennäh kogomuksien ližäpainokseh.

 

Seinykalenduaru on hyvä lahju

Joga vuottu “Oman Muan” jälgimäzes noumeras on seinykalenduaru tuliekse vuvvekse. Tänävuon kalenduaru rodieu kahtu kerdua suurembi. Niilöile, ket tahtotah kalenduaran bumuagal parembua luaduu, “Oma Mua” on valmistannuh net erikseh. Hyväl fotobumuagal kalenduaru on kirjavembi da parembi kaččuo. Kalenduaran hindu on 150 rubl’ua.

Pidäy mainita, ku rahvas ainos kyzytäh karjalankielizii seinykalenduaroi uvvekse vuottu. Ga pienen lugupainosmiärän periä sen hindu rodieu ylen suuri ven’ankielizih kalenduaroih verraten. Sih kaččomattah uskommo, ku karjalankielizet kalenduarat roitah perindöllizet lahjat uuttu vuottu vaste.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat