Vienan Karjala

Kirjutukset vienankarjalakse

Koiru: vardoiččii da uskottavu

Koiru on rauhatoi, ainos on vardoiččemas, ei huogavu nikonzu. Koiru on omanenäine, umbimieline, ylen harvah ozuttau omii tundoloi. Koiru ei lähte sanomah omii riähkii kirikköh. 
Koiru varmah tiedäy, midä häi tahtou. Koirua varatah – häi pagizou kohti da jyrkäh. Koiru kiirehtäy “uppuomah” omih ruadoloih, moittiu toizii vijattah. Koiru on čiisto pessimistu, ei vuota nimidä elaijas, ei usko kummih.  
Koiru ei rubie puolistamah viäryniekkoi, häi on vastah heidy. Koiru on mielevy, hänel on hyvä juumoran tundo. Koiru ei suvaiče rahvaskerävölöi. Koiru ozuttahes viluverellizekse, ga tottutoven ei ole moine. Kaikkeh sih kaččomattah Koiral on ylen äijy hyviä tavan puoldu da neruo. Häi on kohtinaine, kunnolline, uskottavu, ei muanita nikonzu. Parembi toizii häi maltau “säilyttiä” ristikanzoin sekriettöi. Koiral on ylen prostoi paginluadu, toiči hänel on ylen jygei sanuo omii mielii. Koiru hyvin maltau kuunnelta toizii, häi äijän ruadau toizih niškoi, ei sudre rahvas kunnivoija händy. Koiru on ozatoi, konzu rinnal olijat rahvas ollah ozattomat. Koiru ei ole kiinnostunnuh dengoih. Eläygo häi köyhyös vai rikkahuos, häi on ainos pehmeisydämelline. A ku pidänöy Koirale dengua, häi parembi toizii maltau suaja net. 
Koiras voi tulla tevolližuslaitoksen piälikkö, yhteiskunnalline ruadai, pappi, lapsienkazvattai...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat