Vienan Karjala

Kirjutukset vienankarjalakse

“Un’altra donna” rodih karjalakse suun muutoksekse

Andriano Celentano

Uvven projektan magu on enne kuulumatoi. Eri mualoin tutumbat pajokappalehet ollah kiännetyt karjalakse da pajatetut stuudies rahvahan kuunneltavakse. “Suun muutoksekse”, sanozimmo karjalazet. Besame mucho, Ma Perke, Yesterday, Love Story – ulgomuan klassiekan riävys ollah Ven’al roinnuot da mielesolijat pajot. Uvven sanotuksen da iänityksen nägi kaikkiedah kolmetostu pajuo.

Panizin projektan rohkiekse da rutokse. Kiännökset oldih vuotettavat. Karjalaine aktivistu da kielenopastai Tatjana Baranovua jo viijen vuvven mail pidäy kynän ual popul’arizien pajoloin kiänändiä. Inehmine pidäy vk.com -sotsiualizes verkos omua sivuu, kunne purguau alguperäizet da kiännetylöi tekstoi. Täkse aigua niidy on kaheksakymmen kaksi. No vot pajattajan persounu kummatutti putilleh. Inkeriläizii juurii kandai, runoilii da muuzikko Enska Jakobson (oma nimi Jevgenii Bogdanov) ottihes pajattamah livvinkarjalakse. Ihan vuottamatoi kiänälmys! Pehmei suomelaine aktsentu luadiu karjalankielizii pajoloi ainavoluaduzikse, a heimovellen piätös pajattua lähisugukielel toven on kallis.

Vesselänny kuulet moizii pajoloi karjalakse kui Jurii Antonovan “Oman koin levon al”, Vladimiran Kuz’minan “Simonua” libo Valerii S’utkinan “Olen paras”. Et jiä igäväkse kuultes Garik Sukačovan pajuo “Suau kuldua minun askelii myö tiediä”. Olis mieli tiijustua professionualistu kandua kiännöksih nähte, mindäh sendäh jogahizen tekstan kiännös on vastuonalaine ruado. Da semmite moizien pajoloin, kudamii pajatettih tiähtirahvas: Elvis Presley, Adriano Celentano, Cesaria Evora, Andrea Bocelli, Viktor Tsoi... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat