Vienan Karjala

Kirjutukset vienankarjalakse

Timoi Munne: Santtu Karhu – omien aigoin legenda, 50 vuottu

Santtu Karhun kuvan luajin minä ice. // Kuva: Timoi Muunne

Santtu Karhu (Aleksandr Medvedev) on roinnuhes 6. tuhukuudu 1967 vuvvel Belomorskas. Hänen sugu on Anuksen-Karjalan Melličän kyläspäi, ga vuvvennu 1937 heidy työttih iäreh. Karhu kävyi školah Belomorskas da muutti Petroskoile elämäh 1984 vuvvel.

Karjalan kielen Karhu opastui omas buabaspäi. Lapsete häi oli puaksuh Vieljärven čupun Jyrgiläs kezän aigua da sie vie enämbäl kuuli kieldy. Petroskoih muututtuu häi algoi opastumah kieldy yliopistos. Vuvvel 1984 Karhu tuttavui Petroskoin yliopiston Toive-pajo-da tansijoukkoh da yhtyi sih ansamblih. Sie hänenke yhtes oldih sežo tuliet muuzikkudovarišat Arto Rinne da Leo Sevets.

Armies sluužittuu Karhu luadi enzimäzen oman lyhytaigazekse jiännyön gruupan “Studio”. Sih aigah häi kirjutti muuzikkua Vladimir Brendojevan runoloih. Kuulužu kirjuttai andoi vallan luadie net pajoloikse, hos kirjuttigi Santule nenga: “No sanon kohti, minä en suvai rokkii, engo ellendä mistöi rahvas voijah sidä suvaija. Minule rokki on kui hambahan kibu. – Ku sinul on himo kirjuttua muuzikkua, ga kirjuta vai.”

Samah aigah Karhu jo kirjutti pajotekstua omal kielel da voitti 1988 vuvvel Punalippu-žurnualan nuorien runonkirjuttajien kilvas Minun mustas kois -tekstal. Sen jälles händy kuhkutettih Suomeh iänittämäh se plastinkale. Tämä enzimäine single-plastinku iänitettih Helsinkis yhtes Sibelius-akadeemien muzikantoinke. Se piäzi ilmoih vuvvennu 1989 .

Sen vuvven lopul Santtu Karhu keräi uvven gruupan, kudaman nimekse tuli “Santtu Karhu & Talvisovat”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat