Vienan Karjala

Kirjutukset vienankarjalakse

Ken elol, a ken i mielevyöl voittau

Talvel 21. tuhukuudu kogo muailmas pietäh kanzoinvälisty Muamankielen päiviä. “Oma Mua” tämän hyväkse ilmoitti kilvan lugijoih niškoi. Kilbuniekoil pidi vastatat 10 kyzymykseh, net oldih vienakse da livvikse da vähäzel erottih. Kilbah saimmo 18 vastavustu. Kilbuniekoin keskes oli nuorembua dai vahnembua rahvastu, linnalastu dai kylis eläjiä. ”Oma Mua” valličči kolme parastu kilburuaduo. Nikudai kolmes voittajas ei voinnuh vastata kaikkih kyzymyksih oigieh, kudual kuduasgi kyzymykses rodih vaigevustu. Enzimäzeh kyzymykseh kilbuniekat vastattih kahteh luaduh: yhtet kirjutettih, ku karjalan kirjaimikko on hyväksytty vuvvennu 1989, toizet, ku vuvvennu 2007. Mollembat vastavukset otimmo vastah oigieloinnu. Vuvvennu 1989 oldih hyväksytty eri kirjaimikot – liygiläzeil da vienalazil omat. Vuvvennu 2007 oli hyväksytty karjalan kielen yhtehine kirjaimikko.

Kaikis vaigevin kyzymys oli jälgimäine: reboi juoksou muadu myöte, jänöi juoksou suodu myöte, hlop – očat yhteh. Arbaitustu oli eriluadustu, ga kai oldih viärät. Erähät ”sinnepäi olijat” vastavukset oldih moizet: eräs kilbuniekku arbai, ku pagin on kirvehes da puus, toine duumaičči, ku se on järveh virdai jogi. Oligi mostu, kuduat arvattih, ku se on pyhäil’l’an jyry da tuleniškut. Eräs vastai, ku se on čuasun da minuutan viizarit čuassulois. Muite oigei vastavus sih arbaistukseh on kangaspuut – niidyhäi loškutetah toine tostu vastah. Votttajien nimet kaččokkua verekses bumuagulehtes.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat