Vienan Karjala

Kirjutukset vienankarjalakse

Anuksen karjalazet otettih vastah vieljärveläzii

Jälles vieljärveläzen Randaine-kyläteatran spektaklii anukselazet kerryttih Kanzallizeh kirjastoh, kus sentämän kerdua vuvves pietäh omua paginkerhuo “Pädis tarattua livvikse”. Karjalan Kielen Koin idei luadie muamoloin da lapsien lorukerho tartui heile p // Kuva: Tatjana Romanova

Mennyt pyhänpiän Vieljärven kylän karjalankielizet aktivistat käyksendeltih Anuksenlinnah. Vieljärven kylän Karjalan Kielen Koin da Anuksen karjalazien liittoloin välis on pandu kirjoil yhteisruadosobimus tänä kezän, kudaman mugah kahten piirin karjalazet kannatetah toine tostu karjalan kielen da kul’tuuran azielois.

Anukselazet mielihyväl otettih vastah Karjalan Kielen Koin kyläteatran šuutkakastu ozutustu “Mendih buaboit miehele”. Baškiiriläzen kirjuttajan Florid Bul’akovan ozutus enzimäi oli kiännetty vienankarjalakse, Kalevalan rahvahanteatras, kaksi vuottu tagaperin se kiännettih Karjalan Kielen Kois livvikse. Sidä nygöi šohunke ozutetah livvinkarjalazien keskes. Anuksenlinnan rahvas suadih nähtä sidä enzimästy kerdua. Nagruo erähil oli kyynälissäh. Čomua karjalua, babiloin kummua da čuvvokastu kauppua täydyi čuasukse kačondua.

Vieljärven karjalazien ajelendu Anukseh stuanivui Karjalan Kielen Koin da Kanzallizen da alovehellizen poliitiekan ministerstvan yhtehizen tämänvuodehizen projektan puittehis. Sen nimi on “Anna minule synnyn keili”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat