Vienan Karjala

Kirjutukset vienankarjalakse

#siniikoridoor

Lampa majaka -ruadopajan alguhpanii Al’ona Savčuk luadiu st’okluhelmilöi st’oklukeppizis guazupoltimel. // Kuva: Ol’ga Dubitskaja, “Oma Mua”.

Erähäs mustas linnas, mustal pihal, mustas talois on mustu perti. Moizis sanois puaksuh algavutah lapsii pöllättäjät starinat. Petroskois ei ole mostu mustua pihua mustan taloinke, ga on Sinii koridoor -loftkohtu*.

Loftkohtu “Sinii koridoor” (Sinine kalidoru) on kul’tuurukohtu, kuduas on neroniekoin eriluaduzet ruadopajat, kino- da fotoškola, iänenkirjutusstuudii.

“Sinii koridoor” on sijoitannuhes endizen Aleksandrovskoin zavodan (Onežskii traktornii zavod) tiloih adresil Petroskoi, Liteinaja-lagevo, 3. Ku sidä kohtua olis kebjiembi löydiä, endizen zavodan kohtal asfal’tale piirustettih sinizet merkit, kuduat vietäh kolmekerroksizen taloin luo. Sie, kolmandel kerroksel, ongi Sinii koridoor -loftkohtu. Mindäh tälle kohtale pandih moine nimi? Vastavus on kebjei – sen kalidoran seinät ollah sinizet. Sit kohtas on Labcinema.space -kinoškola, Labcinema.sound -iänenkirjutusstuudii, Akademija Fotografii -fotoškola, kaksi keruamiekkupajua – “JUFceramics” da “Tis’ačelistnik”, Koritsa-artkohtu da Lampa majaka -ruadopaja...

Loftkohtu* – on zavodan, fuabriekan libo skluavun ylähäzien kerroksien kohendetut tilat, kus voibi eliä, ruadua libo pidiä restoruanua.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat