Suomen kielen keskus avattih Petroskoih

Petroskois piettih Karjalan suomen kielen keskus -yhteiskunnallizen järjestön prezentatsii.

Suomen kielen keskuksen tarkoituksennu on kehittiä suomen kieldy Karjalas da avvuttua opastujile kielen opastamizes.

Keskuksen avajazet pidi järjestön piälikkö Tatjana Islamajeva, suomen kielen opastai da kiändäi. Naine kerdoi keskuksen toimindas da kučui kaikkii suomen kielen suvaiččijoi yhtymäh uudeh järjestöh.

Pidoh yhtyigi Karjalan Kanzallizen da alovehellizen poliitiekan ministerstvan valdivollizen kannatuksen ozaston piälikkö Jelena Migunova, kudai toivotti uvvele järjestöle lykkyy ruadoh da andoi lahjakse ministerstvan kannatuksel ilmoih piästetyt kniigat suomen kielel.

Suomen kielen keskuksen enzimäzii ruadoloi on suomen kielen kursit. Ilmazih kursiloih ollah tervehtulluot kaikin, ket kuulutah Suomen kielen keskus -järjestöh. Enzimäine urokku rodieu jo kolmanpiän, 28. Kylmykuudu, adresil Titovan piha, 3.

Ližiä tieduo Suomken kielen keskuksen internet-sivul vk.com/kareliacenterfinnish.