Vienan Karjala

Kirjutukset vienankarjalakse

Lahja parahalla poimijalla

RusBioAljans-yhtijö on ilmottan Paraš poimija 2018 -aktijon meččäantimien (marjojen ta šienien) poimijien kešen. Kilpailu jatkuu 15. heinäkuuta – 1. pimiekuuta ta toimiu Venäjän Luoteisošan viijellä alovehella: Komin ta Karjalan tašavalloissa, šekä Arhankelin, Novgorodin ta Vologdan alovehella. Pimiekuušša kilpailun ošallistujien kešen pietäh arvonta ta kuuši arvonnan voittajua šuahah piäpalkinnot Niva-autot, a alla 30-vuotiset ošallistujat šuahah mahollisuš voittua älytelefonit.  Šen lisäkši on vielä muitaki palkintoja.

Aktijoh ošallistumista varoin ihmisen pitäy rekisteröityö meččäantimien ottopunktilla ta šuaha poimijan yksityiskortti. Poimittuja marjoja ta šienie otetah vaštah kaikissa RusBioAljans-yhtijön ottopunktiloissa, šekä aktijon partn’orien ottopunktiloissa. Joka 250 kilošta poimija šuau arvontah ošallistujan kuponkin.

Paičči mahollisutta voittua piäpalkinto aktijon ošallistujat šuahah tuattuja lahjoja: hyttyšverkkohattu (250 kilošta poimituista marjoista tahi šienistä), marjapoimuri (500 kilošta), termossi (750 kilošta), varšipoimuri (1000 kilošta). Piäpalkintojen arvonta pietäh 1.–5. pimiekuuta, a voittajien palkiččomini – 5.-10. pimiekuuta 2018. Lisyä tietuo aktijon ehtoloista šekä aktijoh liittyjistä ottopunktiloista: www.rusbioalliance.com tahikka tel. 8 800 222 61 69 (šoitot ollah ilmaset).

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat