Vienan Karjala

Kirjutukset vienankarjalakse

Taivahan ihailijat

Nikolai Netrebin valmistautuu lentoh. // Kuva: Kuvat otettu vk.com/novkos

Omie lentoneroja koštamukšelaiset paraglaiderit Aleksandr Abramov, Oleg Astašov, Nikolai Netrebin ta Vladimir Litovčenko esitettih heinäkuušša Kuhmošša järješšetyššä Kuhmo fly -festivalissa. Jo kymmenen vuotta peräkkäh še keryäy taivahan ihailijie Šuomeh.

Tri vinta -klubin yksi johtajista Aleksandr Abramov harraštau paraglaidingie vuuvvešta 2011.

– Festivalissa myö esittimä vapaita lentoja paramouttoriloilla*. Näyttimä, mitein lennetäh venäläiset paramouttorilaiset šekä kaččoma toisien lentäjien neroja ta heijän lentokeinoja. Myö liitelimä Kuhmon kaupunkin yllä ta ihailima loppumattomie vihreitä meččijä ta šinisie järvijä. Viime vuotena Kuhmo fly -festivalih kävi vain Nikolai Netrebin, a tänä vuotena klubin melkein kaikkien lentäjien onnistu noušša Šuomen taivahah. Matka miellytti kaikkie ošanottajie, kerto vaikutelmieh Aleksandr Abramov.

Šamoin Aleksandr Abramov kučču Tri vinta -klubih kaikkie halukkahie, ken tahtou “kuot’ella” taivašta.

Elokuušša koštamukšelaiset lentäjät tuaš šuoritah Šuomeh paraglaidingi-kilpailuih. Nuorilla miehillä on äijän šuunnitelmie. Toivottavašti, rohkeilla urheilijilla kaikki onnistuu.

 

*Paramouttori on kepie šelkärepun muotoni voimakoneh, min avulla paraglaideri voit lentyä melkein missä vain.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat