Vienan Karjala

Kirjutukset vienankarjalakse

Karjalan Kielen Kodi Vieljärvel pidi vuozikerähmön

Karjalan Kielen Kodi -liiton viizivuodehizen toimindan maineh jo on levinnyh loitokse Karjalas dai Ven’algipäi. Täs paistih mennyt pyhänpiän pietys vuoronmugazes kerähmös. Vuvven 2017 aigah koin pordahis piäliči polgi mail viitty tuhattu hengie. Suuri vuitti niilöis oldih uvvet rahvas, kuduat čökeltihes tuttavumah täh kohtah. Vierahat rahvas pietäh koin toimindua muite muis olijannu.

Enämbät puolis Karjalan Kielen Koin mullozis jenguresursois ollah eri projektat, kolmas vuitti on ristittyzien da organizatsieloin lahjoitukset. Liiton paginanvedäi Ol’ga Gokkojeva lujendi sen, ku enimät ruavot stuanivutah kui ennegi rahvahan maksattomal ruadoväil. Priäžän piirin administratsii auttau kodii kul’tuurualan metodistan puoleltostu palkal da se nygözel aijal on ylen hyvä vuitti.

Vuvvel 2017 KKK:s on ruadanuh kymmene kerhuo: kolme kielikerhuo, kolme käziruadokerhuo, kaksi teatrukerhuo, robottukerho školaigähizile da Naizien tervehys -kerho. Käziruadokerhot mennäh ven’an kielel, toizet kerhot kugali vai voijah opitah pidiä karjalakse. Kielipezä on koin suurimii suavutuksii mennyöl vuvvel. Se ruadau enimytteh lahjoituksil da piirin administratsien projektal ”Vierahii lapsii ei ole olemas”. Juuri kielipezän hyvyös koin toimindu rodih aktiivizembakse, tänne kävyy enämbi nuordu da keski-igähisty mieruo...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat