Vienan Karjala

Kirjutukset vienankarjalakse

Kerran šipainiekat stolale, toizen – pyöräköt

Šipainiekku-ruadopaja Naizien päivän čottah Karjalan Kielen Kois. Täs nuorembua dai vahnembua polvie. // Kuva: Natalja Antonova, “Oma Mua”

Karjalan Kielen Kois Vieljärven kyläs piemmö kui kirikön

kalenduaranmugazii pidoloi, mugai mierolazii. Mustoitammo, kui karjalazet pruazniekkoi vastah otetah, mih uskotah, midä ruatah, härčätäh da syvväh.

Naizien päivän čottah azuimmo – ylen suuren ruadopajan “Šipainiekku”, kunne kerävyttih kui maltajat, mugai himoniekat opastuo luadimah niidy. Pastoimmo šipainiekkua da syväimekse panimmo kakkuu, brossuu, talkunua, suurimua da ruahtuo. Äijät naizet mainittih, ku suurim- da talkunšipainiekkua jo kymmenii vuozii ei syödy. Vai muaman libo buaban hengis olles suadih syvvä, a nygöi vai sen duuhun mustetah. Ruadopajas saimmo ennevahnallizien syväimien mujuu.

Hommaimmo vesselät pivot muamoloin da buaboloinke karjalankielizes kielipezäs, kus lapset meil ollah hoijos jo läs vuvven aigua. Nygöi varustummo jo Virboih dä Äijähpäiväh. Karjalan Kielen Kois pietäh suurdu huoldu nuoremban da vahnemban polven sovus. Kui on hyvä mieli, konzu samal aijal yhtes on kolme polvie: lap-set, heijän vahnembat, buaboit

da died’oit. Hyvä aigu olla yhtes on mintahto syömizen varustandu. Tiettäväine, kylän inehmizil šipainiekku on tuttu dielo, ga yhtelläh äijät mit tiijot ollah rahvahal jo unohtuksis. Sanommo, harvat ket nygöi luajitah šipainiekoin syväimekse ruahtuo da zuuharijauhuo, enimytteh pannah kakkuu da brossua. Vai eräs emändy tiedäy, ku kuorii ajella pidäy vai omal härkimel – sit nero pyzyy hyvänny. Värtiniä ei pestä viel, vai puhtastetah jauhol da käil. Värtiniä vaste ei taluta raudua. Ei sua kruaputtua värtiniä veičel libo leikata tahtastu kakkaroikse veičel. Suabi vai sormien n’okkazil katkata...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat