Vienan Karjala

Kirjutukset vienankarjalakse

Karjalan Rahvahan Liitto pidi vuozitapahtuman kevättalven siäl

Perindöllizesti kerähmön aigua rahvas suadih ostua karjalankielizii julgavoloi. // Kuva: Natalja Antonova, “Oma Mua”

Kielenmavukse tuldih rahvas Alavozen kyläspäi

Liiton mulloine b’udžiettu oli läs mil’l’onua rubl’ua. Suurin vuitti on suadu Prezidentan grantoin fondaspäi kriukku-kižan kehitändäh, pienembät vuitit oldih tazavallan varat da lahjoitukset. KRL:s kuigi enne ei ole niyhty ruadajua, dielot eistytäh rahvahan väil. Liiton johtokundu jatkau ruaduo samal joukol da johtol – tulien vuon Natto Varpuzel rodieu kuuzi vuottu täs virras. Täkse aigua organizatsies on sada viizikymmen hengie da Alavozen alaozaston avuandu mulloi on olluh suavutus. Sen aktivistat, Taigin-teatralazet ozutettih kerähmön lopuškal oman ozutuksen “Salbua veräi, akku”, kudamas sai kuulta eläviä liygii. Karjalaine Valentina Libertsova on kirjutannuh sen ven’alazen kirjuttajan Samuil Maršakan samannimizen šuutkakkahan runon pohjal da ližäi sinne kylän elaijan kummii.

Hyväs ruavos kiitoskirjazet

Paginanvedäi Natto Varpuni pidi oman vuozipaginan vienankarjalakse. Liiton ruado oli aiga hyvin ezitetty vuvven aigah Oma Mua -lehten sivuloil da internetas. Šeikkuperäine raportu mullozes ruavos on jullattu lehtes n:o 11. Viestitändiä da omah puoleh vedämisty täs pietäh tärgienny. Endisty enämbiä on kielikursuniekkua Petroskoil, rahvas ollah valmehet ajeluksih kylii myöte tuttavumah sen elaigah. KRL:n aktivistat Anastasija Veremjeva, Vladimir Jartsev, jessoil’čat Tamara Petrova, Tamara Sergejeva da Nina Nikitina suadih paginanvedäjän kiitoskirjazet. Karjalan rahvahallizen da alovehellizen poliitiekan ministerstvaspäi kiitoskirjazet suadih Kanzalliskielizen TV:n da raadivon toimituksen piätoimittai Aleksandr Jeremejev, piäjärveläine ammuine aktivistu Anna Vlasova da kielenopastai Jelena Pankratjeva...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat