Vienan Karjala

Kirjutukset vienankarjalakse

Opi kävellä pilkopimies

Ekskursien vedäi ozuttau, kui sogeit rahvas käytetäh internettua. // Kuva: Kuva on otettu http://mos-holidays.ru -saitalpäi.

Kävelendy pilkopimies -ekskursii jatkuu läs čuassuu. Sie on kaksi ozua – “pimei”, kudai jatkuu läs 45 minuuttua da 15 minuuttua pitky “valgei” oza.

Kaikkii ekskursieloi vietäh rahvas, kudualoil on ylen paha nägö libo ihan sogiet. Sanotah, konzu et näe, toizet tunnot lujetah. Onnuako, se on tottu.

Ekskursii pimies algavuu konzu ekskursien vedäi sanelou, kui pidäy astuo pimies. Sit pidäy mennä ripustimen tuakse, kus on pimei, ga vie nägyy vähäine. Sit on vie toine mustu ripustin, kuduan tagan on pilkopimei. Sie on veräi fatierah. Nygöi teile pidäy orijentiiruijakseh fatieras, kävellä sidä myöte da sanuo midä on täs fatieras da sen jälles lähtie “pihale”.

“Pihal” teidy vuottau tovelline mašin da kovaliikkehelline tie, kuduas poikki pidäy piästä sen toizele puolele. Sie on tien ylityskohtu da svetofouru. Enzimäi pidäy löydiä se, sit painua näppäin da lähtie, konzu rubieu palamah vihandu valo.

Tien toizel puolel on laukku, kuduas myvväh puunandimii, kazvoksii, suurimoi da eriluaduzii mavustehii. Niilöi pidäy koskie, n’uustua da sanuo, mi se on.

Jällespäi työ puututto muzeih. Muzeis on bareljefua da vestoskuvua. Ekskursies pidäy maltua sanuo oigieh, kenen se libo tämä bareljefu on da mi taloi on sinun ies...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat