Vienan Karjala

Kirjutukset vienankarjalakse

Ondrein peräh polgou On’a

Vieljärveläine nuori räppäri On’a ottau kuavua suures Ondreis. Iče On’a vie ei ole kypsy luadimah omii tekstoi, ottau mustoh Ondrein. Yhtelläh brihačču on suuri kniigumuagari, kuuluu kogo Priäžän piirin parahien lugijoin joukkoh. Uskommo, ku moine mielevy // Kuva: Nadežda Stafejeva.

Vieljärven kyläs eläi yksitostuvuodehine brihačču Andrei Stafejev uaratui karjalankielizeh räppih. Kuavakse hänele tuli anukselaine briha, Karjalan rahvahallizen teatran artistu Andrei Gorškov, kudamua tiijämmö nimel Ondrei. Ondrei rubei räpättämäh karjalakse Nuori Karjala -liiton kehitykses da vuvvel 2016 hänel tuli oma disku “Karelication”. Silloi se rodih aiga šohukse nuorižon keskes, karjalankieline räppi kuului yhtylujua uvvel da vuottamattomal.

Kahten vuvven peräs Ondreil löydyi dovariššu da vie ugodih moizen nimenke ku hänel. Omat kučutah brihaččustu On’akse. Häi sai kuulta karjalastu räppii ajajes mašinas vahnembienke da internetas. Enzimäi On’a rubei vähäzel rouno luajittelemahes kois, vahnembien tyves, lad’d’uamah Ondrein peräh sanoi, kudamii otti mustoh järgieh. Sit jo kyzyi Nadežda-muamadah abuh panemah kai sanat bumuagale da kiändämäh hänele rivilöi. Mugai hil’l’akkazin pani mustoh pitkän kappalehen “Terveh teile”. On’a-brihačul on erinomaine musto, magu lugemizeh da kaikkeh uudeh. Karjalaine räppi on tiedomuagarin uuzi harrastus. Jo sadoi ristikanzoi kačoi On’an räpätysty internetas.

Kaimakset Ondrei da On’a ei vie tietä toine tostu, ga maineh On’as rubei leviemäh Karjalua myö. Tänä keviän häi räpätti omas kyläs Vieljärves prezidentan valličendupiän. Sai ajella piirikeskukseh Priäžäh ottamah ozua patriottizien pajoloin kilvas “Sydämespäi tulijat pajot”... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat