Vienan Karjala

Kirjutukset vienankarjalakse

Juakko Rugojev – monipuoline ristikanzu

Konferensien jälles piettih Juakko Rugojevale omistettu literatuuruillačču “Pajatan tädä pajuo Kalevalan muale.” // Kuva: Elina Potapova, “Oma Mua”

Pivon aigua Kanzallizes kirjastos kerrottih karjalazen kirjalližuon klassiekan Juakko Rugojevan elaijas da luomisruavos. Omii dokluadoi konferensies ezitettih Karjalan tiedokeskuksen, Kanzallizen arhiivan da Kanzallizen kirjaston ruadajat da kieliaktivistat.

Pivon algai Alovehellizen da kanzallizen poliitiekan ministerstvan piälikkö Sergei Kisel’ov, kudai lugi Karjalan piämiehen Artur Parfenčikovan tervehtyssanat. Artur Parfenčikov kehoitti karjalazii iellehgi säilyttämäh mustuo Juakko Rugojevas da toivoi, ku kuulužan kirjuttajan tevoksii rubieu lugemah nuorigi polvi.

Juakko Rugojev oli monipuoline ristikanzu: kirjuttai, dramaturgu, kiändäi, karjalazen folklouran keriäjy, fotokuvuaju, luonnon puolistai.

Omis tevoksis Juakko Rugojev kerdoi omas muas, sen eläjien jygies ozas. Häi oli enzimäzii kirjuttajii, kuduat ruvettih kohti pagizemah Karjalan ekolougiiprobliemois. Kuulužu karjalaine kirjuttai Jana Žemoitelite mustoitti, kui Juakko avvoimielizesti vastusti Jyškyjärven upottamistu.

Konferensien aigua kerrottih kirjuttajan tärgevimih tevoksih nähte, sanommo, paginal oli Metsällä korvat, järvellä silmät -romuanu. Pidäy sanuo, ku Juakko Rugojevan kerdomus “Vs’a žizn’ vperedi” (“Kai elaigu on ielpäi”), kuduas on kerrottu Suures Ižänmuallizes voinas, kuuluu Muailman kirjalližuon kirjastoh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat