Vienan Karjala

Kirjutukset vienankarjalakse

“Kirjaimikon illačču”

Andrei Gorškov – karjalaine räppäri Ondrei (hur.) da karjalan kielen kannattai Andrei Osipov (oig.) toivotetah, ku kirjukielen päivän illačču rodieu perindöllizekse. // Kuva: Ol’ga Dubitskaja, “Oma Mua”.

“Kirjaimikon illačun” programmas oli äijy midä mieldykiinnittäjiä – luvendo, master-kluassu, tiedokilbu da kaksi konsertua. Illačun organizatorannu on Vkontakte saitan Karjalan kielele – virralline stuatussu -joukon administratsii.

Pivos Jekaterina Logvinenko, Kanzallizen muzein ruadai, saneli muinaskarjalazis puuhizis kalenduarois, kudamii on muzeis ruokos. Jogahine voi kaččuo da pidiä käzis nämmien kalenduaroin koupiedu.

Aili Pitkä, tuohenpunondan muasteri, ozutti kui pidäy punuo tuohes očelje-oččučomendustu. Rahvas mielihyväl omin käzin luajittih čomendustu da erähät illačun puolivälis jo pandih net piäh.

Ondrei, karjalaine räppäri da illačun juondai, pidi tiedokilbua karjalazis ruutis. Rahvas ruttoh da oigieh vastattih kaikkih kyzymyksih. Pidäy sanuo, ku illaččuh tuldih karjalan eri murdehii maltajat rahvas da opastujat  kursuniekat, kuduat jo äijän midä tietäh karjalazes kul’tuuras.

Pivos Ondrei räpätti omua pajuo karjalakse. Monet zualas olijat räpätettih yhtes Ondreinke jo tuttavii pajoloi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat