Vienan Karjala

Kirjutukset vienankarjalakse

Vieljärven “Ystäväzet” saneltih elaijan kummis

Nadežda Jegorova da teatran nuorin artistu Johor Kalmikov “keittämäs” varen’n’ua mannoisuurimas. // Kuva: Ol’ga Smotrova, “Oma Mua”

“Ystäväzet” on jo kaheksas spektakli Randaine-kyläteatran viijen vuvven ruavos. Teatran ruado ei azetu, artistoin joukkoh vai liženöy. Ystäväzet-spektakli on valmistettu anuksenkarjalazen kirjuttajan Valentina Kondretjevan samannimizen kerdomuksen pohjal. Tämä kerdomus nägi päivänvalgien Taival-al’manuahas vuvvennu 2016. S’užietan mugah, nelli nastu, kuduat ollah ystävät lapsusaijas, vastavuttih da tartuttih paginah. Naizet juohateltih toine toizele mennytty aigua da vuorokkai saneltih, mittustu kummua oli heijän elaijas. Yksi kummu oli tostu kummakkahembi: eräs varen’n’ah zuaharin sijah mannoisuurimua pani, toine Krimas huogavujes kummua azui hotellis. Piälimäzis roulilois täl kerdua oldih L’udmila Orava, Ol’ga Vasiljeva, Tatjana Nikitina da Nadežda Jegorova. Näimmögi spektaklis “Randazen” uuzii artistoi, net ollah Galina Markova, Vasilii Jegorov, Nina Barmina da nuoret brihat Kalmikovoin vellekset Ivan da Johor...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat