Vienan Karjala

Kirjutukset vienankarjalakse

“Jegorovna” rodih parahakse

Kiestinkinkarjalaine Tatjana Jegorovna Jungina suvaiččou omua muadu da lapsusaijas äijäl tiedäy karjalazeh meččäh nähte. Ammattii myögi inehmine on mečänhoidai.

“Jegorovna”, karjalakse “Mečäštä voimua, veještä väkie” on mennyt vuon syvyskuus kuvattu fil’mu Puanajärven kanzallizen puuston ekskursienvedäjäh kiestinkinkarjalazeh Tatjana Junginah nähte. Fil’man azuttih Julija Potahina, Ol’ga Ogneva, kuvuajat Igor’ Arehovskii da Kirill Ognev.

Fil’mu on kogonah kuvattu Puanajärven kanzallizes puustos. Jegorovnakse, ižännimel sanotah puustos Tatjana Junginua. Vuvves 1995 algajen Tatjana Jegorovna on ruadanuh puuston johtajan sijahizennu, inspektorannu da jo nellätty vuottu ruadau ekskursieloin vedäjänny. Fil’mas Tatjana Jungina sanelou puuston kazvoksis, koskilois, hävinnyös Vartiolammen kyläs, kudai on puustos. Karjalazennu olles Tatjana sanelou karjalazis da heijän eloksentavas, kudamah inehmine on harjavunnuh lapsusaijas.

Eräs fil’man luadijois Ol’ga Ogneva tuttavui Tatjana Junginah, konzu oli oman perehenke puustos turistannu. Sit aijas naizet ruvettih pidämäh yhtevytty, a Tatjana Junginan iändy rubei kuulumah ruadivos da TV:s. Oman muan da kul’tuuran suvaiččijannu Tatjana mielihyväl pagizou karjalakse. Suomelazien turistoinke paistesgi suomen kieleh opastunnuh naine yhtelläh valliččou karjalan...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat