Vienan Karjala

Kirjutukset vienankarjalakse

“Joga mies on oman ozan seppy...”

Vas’a Veikki

Vas’a Veikki on roinnuhes vuvvel 1958 Anuksen piirin On’kulan hierus. Loppi Leningruadan Arktiekkuopiston, ruadoi Baltiekkumeren laivastos vuodessah 1987. Jälles tuli omale muale. Ruadoi lehtimiehenny. Enzimäi Anukses, myöhembi Petroskoil. Jälgimäzet vuvvet ruadoi Lahdenpohjas. Loppi Leningruadan valdivonyliopiston, lehtimiehien tiedokunnan. Jo lapsennu ylen äijäl suvaičči lugie. Kirjutti ballaadupajoloi, kudamii iče pajattigi ven’an kielel. Ezmäzet hänen runot ven’an kielel oldih painettu Baltiekan merimies -lehtes vuvvel 1985. A vuvven peräs Anuksen lehtes oldih painettu kai hänen runot ven’an kielel. 

Hänel oli suuri oza oman eloksendorogois Vladimir Jegorovič Brendojevan kel. Hyö paistih päivän, toizen. Paginat net oldih pitkät, ku oldih yhtet merimatkat mollettiloil. Vladimir Jegorovič Brendojev suatutti kirjuttamah muamankielel. Enzimäzet runot karjalan kielel Vas’a Veikki painoi Carelia-lehtes, “Kipinäs”. Hänen runot on puaksuh painettu Sever-kuulehtilöis, Taival-al’manuahas, kerävökniigois. Häi on otettu Ven’an lehtimiehien liittoh dai kirjuttajien liittoh.

Vuvvel 1999 Vas’a Veikin kerdomukset da runot oldih painettu Omil pordahil -kerävökniigas. Erähis niilöis rounoku kyzyy Jumalal ozua elokses:

***

Ken sanou pahua – sille älä usko.

Ken azuu pahua – sidä Jumal nägöy.

Joga huondestu nouzou kaunis rusko.

Da joga keziä igiä jatkau kägöi.

 

Ken sanou: pahaluaduine elos –

Lykkiä kielas, kielaskukki pois.

Roih vie ruištu oman meijän pellos.

Roih vie ozua omas meijän koiš.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat