Vienan Karjala

Kirjutukset vienankarjalakse

Jovel kahtekse juattu linnu

Novgorodan kremli on UNESCO:n kul’tuuruobjektannu. // Kuva: Ol’ga Dubitskaja, “Oma Mua”.

Novgorodu on juattu Volhov-jovel kahtekse – Sofijskaja- da Torgupuoli. Sofijskaja-puoles on äijy eriluadustu ennevahnallistu kirikkyö da manasterii. Pihat täs puoles ollah kui päiväzen sugahat. Torgupuoles, kunne enne tuldih torguu pidämäh, on säilynyh myöndykohtan arkuadu. Pihat täs puoles kai ollah šuoriet, kui kodazet. Torgupuoles nygöigi on enämbi laukkua, migu Sofijskaja-puoles.

Sofijskaja-puoli

Novgorodas, kuigi toizis vahnois linnois, on linnoitus (libo kreml’u). Se on sijoitannuhes Sofijskaja-puolen keskukseh, Volhov-joven rannale. Sidä vie sanotah detinetsakse*. Linnoitukses ymbäri on kaivettu suuri oja, kaivetus ojas poikki on sildu. Nygöi kreml’as ollah linnan filarmounii, konsertuzualu, Novgorodan valdivonmuzei, Lapsien muzeinkeskus, Muzein luvendozualu, Sofijskoin, Andrei Stratilatan da Sergii Radonežskoin kiriköt, Granovitaja paluattu. Paiči sidä, Kreml’an alovehel on moni mustopačastu – Ven’an 1000-vuozipäivän kunnivokse pystytetty mustopačas, “sluavan iguine tuli”, Sofijskaja-kirikön kellojallat da muut...

Torgupuoli

Sildua myöte voibi piästä Novgorodan Torgupuoleh, kuduas sežo on kirikkölöi, puustoloi, on taidogallerei, Jaroslavovo dvorišče -kohtu. Rahvahan starinan mugah enne sie Jaroslav Mudrii nosti suuren da čoman dvorčan, kudai ei säilynyh, ga sen dvorčan jälgilöi arheolougat vie ei lövvetty. R’urikovo gorodišče -kohtu on Novgorodan kniäzien eländykohtu, kudai nostettih IX-vuozisual. Novgorodan Torgupuoles on enämbi laukkua, kafeedu da restoruanua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat