Vienan Karjala

Kirjutukset vienankarjalakse

Päivy karjalazeh tabah

Ylen äijäl miellytti rahvastu Ihalmo-joukon Ihalmo-pajo, konzu jogahizel käis oli oma kummanluaduine soitin // Kuva: Valentina Libertsova.

Huondekses Ol’ga Limarenko varustui vastavukseh Alazet-teatrustuudien lapsienke. Tämä teatrustuudii ei ammui rubei ruadamah Alavozes, ga jo läs kahtukymmendy n’apukkastu enimytteh lapsekkahis perehispäi joga

pyhiäpäiviä dai toiči puaksumbahgi kerävytäh Irina Palatinalluo da varustetah ozutelmua, pannah mustoh karjalazii sanoi, pajoloi, suarnoi, runoloi, kižoi. A kaikis tärgevin on kyykkä-kižan harjaitukset. Irina Palatinan abuniekoikse alalleh tullah Ol’ga Limarenko da Vera Larionova, kuduat suvaijah lapsii dai muamankieldy.

‒ Agu hyvät ollah nämmä lapset: vagavat, kuundelijat, tarkat. Eigo suurendellahes, eigo tabavuta, konzu ei voidane midägi azuo kerras, hil’l’akkazin ponnistellahes, sydämellizesti sanelou Vera Mihailovna.

Häi täl kerdua opasti lapsii pastamah šipainiekkua. Tiettäväine, sidä neruo karjalazet naizet maltetah dai suvaijah, ga Vera Mihailovna opastau ihan omah luaduh – ku Väinämöine kandelehtu azuu – kaunehien sanoin da malittuloinke. Kai kaksi kerdua työndi lapsii pezemäh käzii, käski noudua puhtahuttu da ajella kuoret omal piiraivärtinäzel. Tiettäväine, ei joga nygyaigazes perehes ole sidä vehkehty, erähil on, ga ei tahtota andua sidä pienile. Sit vahnembat juattih kois tuovut brujat da Ol’ga Pavlovna toi ihan raritietan – piiraivärtinäzen, kuduan hänen buabale nuorete andoi lahjakse Nikitinan vahnu buabo löykäjen, ku sil on enämbi sadua vuottu. Jo se Nikitinan kodi mukeldui, dai vahnembat kuoltih da nuoret muutettih, a värtinäine hoikkeni da vähäzel jormevui, ga yksisama omah ruadoh pädöy...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat