Vienan Karjala

Kirjutukset vienankarjalakse

Lebopäivät “Taidosuarel”

Kalevalan teatru ozuttau Marija Ladon kirjutetun Ylen tavalline juttu -kirjutuksen mugah spektaklii “Eläintouhua”. // Kuva: Ol’ga Dubitskaja, “Oma Mua”.

Taidosuari-festivualih yhtyi kymmene ei-ammatillistu teatrua Karjalan tazavallan kanzallizis piirilöispäi. Niilöin joukos ollah vahnimat Kalevalan da Anuksen rahvahallizet teatrat, Vieljärven Randaine-, Nuožarven Koivuine-, Jessoilan D’essoilan kelloizet -teatru, Priäžän “Kyläläzet”, “Alavoižen taigin” Alavozes, teatrujoukko Veškelykses, lyydiläzien etnilline teatru “Lembi” Pyhäjärves da Karjalan kul’tuurukoulledžan teatrustuudii Petroskoispäi.

Festivualin alguhpanijoinnu ollah paikalline yhteiskunnalline organizatsii “Sv’atozerskije korni” (“Pyhäjärven juuret”), Priäžän piirin kannatuksen da kehityksen fondu “Vmeste” (“Yhtes”), Priäžän etnokul’tuurine keskus “Elämä”. Festivuali oli pietty Kanzallizen da alovehellizen poliitiekan da Kul’tuuruministerstvan kannatuksel.   

Taidosuari-festivualin avai Ol’ga Sobolenko, Kanzallizen da alovehellizen poliitiekan ministerstvan ruadai. Ministerstvan puoles häi lahjoitti festivualin luadijoile suarnoin kogomuksen karjalan kielel “Pajuntaimen”.

 – Anna tulien vuon festivualis ozutetah spektakli, kudai on luajittu täs kniigas otetun suarnan mugah, sanoi Ol’ga Sobolenko.

Festivualin gostii da teatroin artistoi Petroskoispäi tuldih tervehtimäh Karjalan tazavallan Kanzallizen teatran artistat Vieno Kettunen da Pekka Mikšijev da teatran taidojohtai Sergei Pronin.

– Meil on ylen hyvä mieli, ku yhteh kerävyttih ei-ammatillizien teatroin artistat da johtajat. On ylen hyvä, ku kul’tuurua kannatetah da kieldy säilytetäh, sanoi Pekka Mikšijev...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat