Vienan Karjala

Kirjutukset vienankarjalakse

“Midä enämbän paistah karjalakse, sidä parembah kieli pyzyy”

Marc Marc Bradford on rodivunnuh vuvvennu 1992 Chicagoh.

– Kuspäi olet rodužin, ket ollah vahnembat?

– Olen rodužin Yhtysvallois Chicagos, ga kazvoin Georgies lähäl Atlantua, kus minun pereh eläy tänäpäigi. Sendäh pien omua iččie georgielazennu. Muite olen elänyh monis Yhtysvalloin kohtis.

– Kui puutuit Suomeh da mindäh rubeit opastumah karjalan kieleh?

– Minul ei ole juurii libo muudu yhtevytty Suomeh libo Karjalah. Yhtelläh jo ammui olen kiinnostunnuh Suomeh da suomen kieleh. Opastuin Yhtysvallois suomen kieldy da kielitieduo. Tahton tulla suomelas-ugrilazien kielien spetsialistakse, sendäh piätin opastuo magistrakse Suomes.

– Kus opastuit karjalan kieleh? Kus käytät kieldy tänäpäi?

– Opastuin karjalan kieleh Päivännouzu-Suomen yliopistos. Tiä on Suomen yliopistoloin ainovo karjalan kielen da kul’tuuran ohjelmu. Otin algukursan, kus opastuin karjalazien histouriedu da kieldy. Se kiinnitti mieldy ylen äijäl, ku piätin suorittua sivuainehen. Voinnen käyttiä anglienkielisty rakendehtu: “tulin kielitiijon täh, jäin karjalan kielen täh”!

Käytän kieldy opastunduruavos. Luajin nygöi Jukka Mäkisalon da Natalja Gilojevanke suomi-karjal Yle uudizet -kiännöskorpussua. Kirjutan sežo omua magistrututkimustu karjalan kielen yhtyssanoih näh...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat