Vienan Karjala

Kirjutukset vienankarjalakse

Nero ei ole selläs kannettavu

Kilvas oli seiččie suomelas-ugrilastu neidisty. Karjalua edusti petroskoilaine Aleksandra Solovjova. // Kuva: Kuva on otettu vk.com/forum2fun.

Tädä kilbua piettih jo seiččemetty kerdua. Enzimäine kilbu oli vuvvennu 2012 sežo Marin tazavallas. Sinävuon Petroskoin valdivonyliopistuo ezitteli Baltiekkumeren-suomelazen filolougien da kul’tuuran tiedokunnan opastui Natalja Iškina. Tänävuongi Karjalua edusti Baltiekkumeren-suomelazen filolougien ozaston kolmanden vuozikursan opastui Aleksandra Solovjova.

Aleksandra on rodužin Petroskoispäi, yliopistos häi opastuu vienankarjalua.

– Konzu minä opastuin vahnembis kluasois da en tiedänyh vie, kunne lähten opastumah ielleh, puutuin karjalan kielen kursiloile, kuduat joga vuottu pietäh Kanzallizien kul’tuuroin keskukses. Juuri silloi minä piätin, ku tahton opastuo karjalan kieldy. Kaččomattah sih, ku minul ollah lyydiläzet juuret, opastettavakse valličin vienan murdehen, sanou Aleksandra.

Aleksandra ruadau horeografannu, opastau lapsile tansin neruo da ritmiekkua. Joudoaijal neidine tansiu yliopiston Karel’skii suvenir -ansamblis. A kaksi vuottu tagaperin Aleksandra yhtes Jana Lorvinke pandih rattahile folklouru-etnogruaffielline Kajahuš-ansambli. Ansamblis Aleksandra kehittäy vahnoi tansiloi, soittau kandelehel da jouhikol, opastau ansamblilazii tansimah da soittamah.

– Enne minä ombelin ruuttii ansamblih niškoi, ga nygöi ei tävvy aigua sih dieloh, pahelziu neidine.

Kilbah varustujes

Kyzymykseh, ken kuhkutti händy yhtymäh täh kilbah, Saša vastai muga:

– Minuu potakoičči ajamah kilbah Sergei Minvalejev (Baltiekkumeren-suomelazen filolougien da kul’tuuran tiedokunnan endine opastui, Kielen, literatuuran da histourien instituutan tiedoruadai – toim.). Minä lähtin kastingale, ku oli mieldykiinnittäi kaččuo, mibo kilboi se on, ga vallittih juuri minuu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat