Vienan Karjala

Kirjutukset vienankarjalakse

“Muumimuailmu” Naantalis

“Muumimuailmas on äiky eriluadustu interaktiivistu programmua lapsih niškoi // Kuva: Ol’ga Dubitskaja, “Oma Mua”

Naantali on ylen čoma suomelaine linnu, kuduan keskučas kaikkiel ollah viittehet, kus on “Muumimuailmu”. Tämä parku on sijoitannuhes Kailon suarele Naantalih. Parkah suau piästä

sillas poikki. Juuri kerras suarele tulduu suau ostua lippu. Lippuloin myöndykohtien peräh algavuu

matku muumiloin muailmah.

Täs muas on kaikkie, midä pidäy – taloit, restoruanat da kafeet, poštu, teatru, laboratourii, tulipalostansii da kai politsiilaitos.

Teatras on moni ozutelmua päiväs da niilöi kiännetäh erähih kielih.

“Muumimuailmas” on suuri laukku – Nipsun butikku, kuduas suau ostua eriluadustu tavarua muumiloinke. Muumitatan fotokuva-ateljees suau luadie fotokuvua muumiloinke. Poštal suau työndiä poštukartočkua da ostua ičele kniigua.

Muumiloin parkan keskikohtannu on muumiloin taloi – pyöryžy kolmekerroksine valpahansinine taloi kuopan da vuiškanke. Täh taloih suau kävähtiäkseh. Talois kai on luajittu muga, buitegu muumit nygöi tullah omah kodih da ruveta juomah čuajuu magieloinke.

Muumiloin taloin ies on lammikko fontuananke. Sie lapset voijah työndiä venehty uidelemah. Täs talois suau nähtä Muumimamin keitändyperti da kuoppu, kuduas on äijy midä suitettu talvekse. Toizes kerrokses on lapsien- da magavoperti. On talois Muumitatan ruadoperti da vuišku, kuduas häi pidäy

tallel omua uarrehtu. Kai nämmä pertit suau kaččuo da koskie käil sidä, midä sie on...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat