Vienan Karjala

Kirjutukset vienankarjalakse

Vieljärven kielipezä vois olla kuavakse karjalazile

Vieljärvel Karjalan Kielen Kois ruadau kielipezä. Sinne puaksuh kävyy gost’ua. Ozuttua rahvahale omat ruavot on tärgei. // Kuva: Ol’ga Gokkojeva.

Kielipezä ruadau Vieljärven kyläs tostu vuottu. Karjalan Kielen Kodi – yhteiskunnalline liitto on ainavo kogo Ven’an mual, kudai avai vähembistökielizen kielipezän. Sinne kävyy argizin kaikekse päiviä kaheksa lastu päivyhoidoh. Pienimäle on puolitostu vuottu, vahnimale – seiččei. Liitto iče vastuau kaikis dielolois. Eččiy rahoituksen, hommuau lapsile syötändät, opastandat da kižuandat, magaitandat, lämmyöt, puhtahuot. Nelli ruadajua pietäh huoldu juuri kaikes. Piälimaine huoli on olluh se, ku yhtes lapsienke pidäy opastuo ičel. Kielipezän valmehekse ruadajii ei ole...

Karjalan Kielen Koin kielipezän nero olis yhtyaigua vie kehitettävy parembakse dai muile saneltavu, mainiččou koordinuattoru Natalja Antonova. Ku olis enämbi oigieloi karjalankielizii kielipezii, olis kebjiembi pyzyö jalloil da auttua toine tostu. Oigielois kielipezis lapsile ei paista ven’ua nivouse, vai karjalua – se andahes jygiesti. Nygöi on ylen vähä moizii karjalazii, kuduat voidas pyzyö moizis ramkois. Ga yhtelläh ruadajan kova tahto auttau täs. Sidä mieldy ollah Vieljärven kielipezän lapsienkazvattajat L’ubov’ Popova da Galina Markova. Ei ni hyö vuozi tagaperin ruadoh tulduu maltettu kaikkie sanuo karjalakse. Opastuttih ruavon kauti. Nygöi kiitetäh Karjalan Kielen Kodii hyväs ruadokohtas. Nähtäh oman ruavon tulokset. Kai lapset ellendetäh enimän sanotun heijän čottah, erähät maltetah jo vastata da kyzyö.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat