Vienan Karjala

Kirjutukset vienankarjalakse

Kyvykäs ristikanzu on nerokkahannu kaikkiel

Natalja Sinitskaja omas ruadopertis. // Kuva: Ol’ga Dubitskaja, “Oma Mua”

Natalja Sinitskaja on rodivunnuh 7. kezäkuudu vuvvennu 1974 umbikarjalazeh pereheh Ladvan kyläh, opastui Novaja Vilga -kylän školas. Opastui ylen hyvin da vuvvennu 1991 loppi školan hobjazen medalinke. Školan loppietuu puutui opastumah Petroskoin valdivonyliopistoh filolougien tiedokunnale, karjalan kielen ozastole da vuvvennu 1996 loppi sen ruskien diplomanke.

Vie yliopistos opastujes Natalja rubei kirjuttamah Oma Mua -lehteh. Yliopiston loppiettuu Natalja rubei ruadamah Oma Mua -lehtes enzimäi korrespondentannu, jälles ‒ ozaston tekstoinkorjailijannu, sekretarinnu, a myöhembä – piätoimittajannu. Täl alal häi ruadoi äijän vuottu.

Natalja Sinitskoidu hyvin tutah Karjalas, ku tämä mielužu naine äijän azuu karjalan rahvahan kul’tuuran, perindölöin da kielen säilyttämizekse. Äijän vuottu Natalja kuuluu Karjalan Rahvahan Liittoh, kaksi vuottu oli sen johtajannu.

Natalja on miehel, hänel on kolmie lastu. Vuvves 2017 häi on Periodika-julguamon johtajannu. Vaigu yksisama löydäy aigua kiändiä da kirjuttua karjalakse kirjutuksii, runoloi da ynnälläzii kniigoi. Hänen kirjutuksii voibi lugie “Omas Muas”, Taival-al’manuahas da Carelia-žurnualas.

Vuvvennu 2008 ilmestyi enzimäine Natalja Sinitskoin karjalankieline In’aine-kniigaine, kudai on javottu pienih kerdomuksih. Täs on ozutettu tavallizen tyttözen elos...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat