Vienan Karjala

Kirjutukset vienankarjalakse

Ongo Korzal kaimua?

Korzu on ennevahnalline karjalaine kylä kolmen kilometrin piäs Jessoilas Nuožarvehpäi. // Kuva: Ol’ga Ogneva, “Oma Mua”.

– I rodivunnuh olen Korzas, i elin kai Korzas. Nikunne en lähtenyh. No ajelin minä mua kai, ajelin. Eule ryndähäs pietty. Ainos, konzu vieren muate, ainos oma kylä piäs, mieles. Kuibo sie. Ongo kai hengis? Hengisgo on kylä? I vot tulin iäre, kodih. Tuatan, muaman kodih. Ainos n’uustin. Sie, toizel mual, toine on ilmu. Meile on toizenmoine. Nouzen kois, ainos ikkunah kačon, i pajo ainos: “Vai mamizen sanazet piäs”, sanou Nel’a Volkova.

Häi on yksi Korzan 27 eläjäs, ket eletäh kyläs ymbäri vuvven. Korzu on ennevahnalline karjalaine kylä kolmen kilometrin piäs Jessoilas Nuožarvehpäi. Korzu ei ole äijäl muuttunuh jälgimäzen vuozisuan aigua. Vahnat karjalazet taloit seizotah-kokotetah dorogan mollembin puolin endizis kohtis, vai savu nouzou harvas truvas. Yläagju, kunne alguudah myö nostettih enzimäzet Korzan koit, on vähilleh tyhjy.

– Jo ammui on tyhjy tämä kodi ammui dai tai, korzal’ču Tamara Pavlova lähti ozuttamah meile Korzan yläagjua. – Täs vai kezäl eletäh. Kezäeläjät. Tuapäi sežo kezäl tullah. Tämä uuličču on tyhjy kai, sie vai rannal on kaksi taloidu eläjiä. Minä nareko luvin, on vai 15 taloidu eläjiä. Oi, rahvastu oli, joga talois oli. Hengie viizi, dai lastu. A nygöi d’ai a nimidä. Nygöi lastu vähembi kymmenii. Eule nikel.

Tamara Pavlova on suadu täh kyläh da ijän on elänyh Korzas. Sanou, ku suurembih kohtih ei ni himoita, “linnaspäi piädy kivistäy”. Ukonke hyö pietäh lehmiä da häkkii, heil abuh ainos tullah poijat. Bunukat joga suovattua da pyhiäpäiviä ollah buaban da died’oin kois...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat