Vienan Karjala

Kirjutukset vienankarjalakse

Karjalan Liiton Kezäjuhlat piettih Kouvolan linnas

Kouvolan Pyhän Ristin kirikös piettih Sydämessäni kukkii Karjala -konsertu, kus sai kuulta karjalan-da suomenkielizii runoloi da pajoloi. Meijän kielipajas rahvastu työnytettih sego Vladimir Brendojevan runopajoloih. Oigielpäi huruah: ruočinkarjalaine muu // Kuva: Natalja Antonova, “Oma Mua”.

Kouvolas näkkee Karjala väkkee

Se oli tämänkerdaine deviizu. Vuvves 1949, nedäli enne Juhannustu Suomes eläjät siirdo- da evakkokarjalazet pietäh omii Kezäjuhlii. Net kestetäh kolme päiviä. Joga kerdu tapahtumakse vallitah oma paikku.

Joga viijes Suomen muan kanzalaine on karjalaine libo sidä juurdu. Tämän mugah mil’l’on Suomes eläjiä ollah karjalataustaizet. Tiedomiehien tutkimuksien mugah, kaksitostu tuhattu maltetah karjalan kieldy. Ottajen čottah sen, ku meijän statistiekan mugah Karjalan tazavallas vai kolmas vuitti karjalazis maltau karjalua, miärät ollah pošti samanmoizet.

Minä nikonzu vie en nähnyh sen verdua karjalastu yhtes tukus kui Karjalan Liiton Kezäjuhlis. Meijän puolen karjalazien kerähmölöin aigah meigävellie on sadoi kerdoi vähembi dai tapahtumien suurus on toine moine.  Kezäjuhlien programmu kuului kogo Kouvolua myöte huondeksellizis kirikönsluužbois algajen myöhäisissäh karaoke-illaččuloissah. Šipainiekat niilöin päivin aigah toinah šohun annettih. Kouvolan Urheilupuiston školan taloilois sai kävvä Karjalazel kirkahal toril da Karjalazeh kahvilah, kus riisupiirakat matkattih lämmänny...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat