Vienan Karjala

Kirjutukset vienankarjalakse

Nuori Karjala kuččuu opastumah

Karjalan alovehelline yhteiskunnalline laitos “Yhteiskunnallizen diplomuatien da kandurahvahien kannatuksen keskus “Nuori Karjala” kuččuu Karjalan kandurahvahien yhteiskunnallizien latoksien aktivistoi seminuaroih-treningoih.

Seminuaroin tarkoituksennu on kehittiä yhteiskunnallizen diplomuatien neroloi da ozuttua, kui parembah luaduh ruadua yhtes virgumiehien da žurnalistoinke. Pidoloin aigua pietäh paginua Ven’an zakonoinhyväksymizes, kandurahvahien oigevuksis da suomelas-ugrilazes liikkehes. Seminuaroin aigua aktivistat suajah tiijot, kuduat avvutetah heile parembah luaduh valmistuo alovehellizih da kanzoinvälizih pidoloih, sanommo, IX Karjalazien kerähmöh da Kandurahvahien kielien kanzoinvälizeh vuodeh.

Seminuaroin järjestäjät maksetah pidoh yhtynyzile matkan, eländytilan, syömizen da materjualat. Yhtynyzien miäry on rajoitettu. Ilmoittuakseh seminuaroih voibi syvyskuun 5. päivässäh adresil nuorikarjala@gmail.com

Seminuarat pietäh yhteiskunnallizen diplomuatien kehitys da kodimuan mahtoloin lujitandu -projektan hantuzis, kuduadu kannattau Karjalan tazavallan kanzallizen da alovehellizen poliitiekan ministerstvu.

Enzimäine seminuaru jo piettih Segežas 16. kezäkuudu 2018.

 

Tulijat seminuarat:

19.–20. syvyskuudu – Petroskoi – Petroskoin da Keski-Karjalan piirilöin eläjih niškoi.

Syvyskuun lopus – Kalevala – Pohjais-Karjalan piirilöin eläjih niškoi.

Ligakuun puolivälil – Anuksenlinnu – Suvi-Karjalan piirilöin eläjih niškoi.

 

Ližiä tieduo vk.com/harjotussegezha

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat